Nais kong magkaroon ng maganda at marangyang kinabukasan
ngunit tila hindi ko iyon magagawa kung makukontento na lang ako sa sahod ko.
Hindi naman ako nagrereklamo kung kakarampot lang ang aking kinikita dahil
mababa lang naman talaga ang pasahod sa ating bansa kahit na walang humpay ang
pagtaas ng bilihin. Ang ibig ko lang namang sabihin, kung hindi ka pa talaga
kontento sa’yong buhay, kailangan mong mag-isip ng paraan kung paano ka kikita.
Nagpasya ako na gawing tagalong ang blog na ito dahil nais
kong mas maibulalas ko ang aking iniisip at nararamdaman. Tiyak ko rin na mas
gugustuhin ng aking mga kababayan na mas maintindihan ang magandang balita na
ibig kong ihatid.
Sabi nga, hindi mo makukuha ang gusto mo kung lagi ka lang
mangangarap at magpaplano. Kailangan mong kumilos para makahagilap ng paraan
para ikaw ay kumita ng malaki.
Paalala nga lamang, hindi lahat ng outsourcing company na
magsasabi na kikita ka ng libu-libong dolyar rito ay agad mong paniniwalaan.
May ilan din kasi sa kanilang masasabi kong nangongolekta lamang pera. May magsasabi kasi na kung nais nilang kumita
ng $1,000 sa isang linggo, kailangan nilang
magbayad pa. Kuu, huwag kang maniwala sa ganu’n at niloloko ka lang
nila.
Ang tunay na mapagkakatiwalaang outsourcing company ay hindi
dapat na nangungulekta ng pera gayung hindi ka pa naman nakapagre-register sa
kanila. Mas maigi kasi kung mapapatunayan muna nila na kaya mong makakuha ng
magandang trabaho.
Kaya, huwag kang basta magtitiwala muna, okay? Pag-aralan mo
muna ang kanilang company proposal at doon mo lang mapagtatanto kung okay
ba ang napili mong outsourcing site. O, nais mo bang magkaroon ng ideya kung paano kumita?
Walang komento:
Mag-post ng isang Komento